28 სექტემბერს მამუკა ბაგრატიონის ფონდმა უმასპინძლა სტუმრებს საფრანგეთიდან. შეხვედრას ესწრებოდნენ დინასტიის წარმომადგენელი: პრინცი მამუკა ბაგრატიონი (ერთიანი საქართველოს უკანასკნელი მეფის გიორგი VIII ს მე-18 თაობა, (ბაგრატიონ-დავითიშვილების ხაზი და მისი მეუღლე) მერი ფერრარი (ბაგრატიონი). ბატონმა მამუკამ სტუმრებს გააცნო ბაგრატოვანთა სამეფო დინასტიის და საქართველოს ისტორიის მნიშვნელოვანი ფაქტები, ლეგენდები და თქმულებები. ასევე ისაუბრეს მამუკა ბაგრატიონის ფონდის საქმიანობასა და სამომავლო გეგმეზე, რომელიც სხვადასხვა საქველმოქმედო და საგანმანათლებლო ღონისძიებების გარდა უმნიშვნელოვანესად მიიჩნევს საქართველოს სამეფო დინასტიის, ბაგრატიონთა პოპულარიზაციას, როგორც საქართველოში, ასევე მის საზღვრებს გარეთ. შეხვედრამ ჩაიარა ძალიან თბილ და სასიამოვნო გარემოში. პრინც მამუკა ბაგრატიონმა სტუმრებს გადასცა საინფორმაციო ბუკლეტები, რომელიც მოამზადა დინასტიურმა ა(ა)იპ „მამუკა ბაგრატიონის ფონდმა“, სადაც მოთხრობილია ბაგრატოვანთა დინასტიის მოკლე ისტორია და ფონდის საქმიანობა.
…
…
…
Georgian 
English