2026 წლის 4 აპრილს, ლაზარეს შაბათს, წმინდა სამების საკათედრო ტაძრის ახალგაზრდული ცენტრის დარბაზში გაიმართა „მამუკა ბაგრატიონის ფონდისა“ და „ყველა ქართული გვარის მეთაურთა საბჭოს“ მიერ ორგანიზებული ერთობლივი საქველმოქმედო ღონისძიება, რომელიც მიეძღვნა უწმინდესისა და უნეტარესის, საქართველოს კათოლიკოს-პატრიარქის ილია II-ის ნათელ ხსოვნას.
ღონისძიების იდეოლოგიური და ფინანსური ხელმძღვანელი იყო „მამუკა ბაგრატიონის ფონდის“ საპატიო წევრი, ორდენის კავალერი და ფონდის წარმომადგენელი გერმანიაში - პრინცი ნოდარ ბაგრატიონი და მისი ოჯახი.
ღონისძიების ორგანიზებაში მონაწილეობდნენ ფონდის ორდენის შემდეგი კავალერები: პრინცი ლევან ბაგრატიონი, ბატონი გოჩა სურმანიძე, ქალბატონი ეკატერინე გიორგაძე და პრინცი დავით ბაგრატიონების ოჯახი, ასევე ჩვენი ფონდის წარმომადგენლები ნიდერლანდების სამეფოში - ბატონი გოჩა ლაღიძე და ბატონი არჩილ ჯავახიძე.
გულწრფელ მადლობას ვუხდით მათ მხარდაჭერისა და სოლიდარობისთვის: ბატონ შოთა ზედგინიძეს, ბატონ ირაკლი ბრეგვაძეს, ბატონ გოგიტა მელიქიძეს, ქალბატონ ნინო ბერძენიშვილს, ქალბატონ ანა ლუკავას (ბაგრატიონი) და ბატონ ალექსანდრე ბრეგვაძეს.